Die Liebende
(սիրողը)

Սա լուսամուտս է: Ես հենց նոր
այնքան խաղաղ եմ արթնացել:
ես կարծեցի, թե կուզեի հոսել.
Մինչև ու՞ր է լցվում իմ կյանքը,
և որտե՞ղ է սկսվում գիշերը:

Ինձ կարող էր թվալ, թե
իմ շուրջն ամեն բան ես եմ.
թափանցիկ, ինչպես խորքը
բյուրեղի. մթնած, լուռ:

Ես կարող էի
աստղերը
շոշափել իմ մեջ,
այնքան մեծ էր
թվում ինձ իմ սիրտը,
այնպես շատ էր ուզում
գնալ թողնել նրան,

ում ես  երևի սիրել,
երևի պահել սկսեցի:
այնքան օտար,
այնքան թաքուն է
բախտը երևում ինձ:

Ով եմ ես 

այս անեզրության մեջ 

բուրող,ինչպես մարգագետին,

տարուբերվող ետ ու առաջ:

Կանչող ու վախեցած,

որ ինչ-որ մեկը կարող է լսել

իմ ձայնն ու

աներկբա խորտակման գնալս

մեկ ուրիշի մեջ:

Ռայներ Մարիա Ռիլկե

թարգմ. Հոնէ